फुटबल का जादूगर महान ब्राजिलियन खेलाडी पेले ।
ब्राजिल का फुटबल खेलाडी पेले
जसलाई हालसम्मका उत्कृष्ट फुटबल खेलाडीहरू मध्ये एक मानिन्छ। उनी ब्राजिलका लागि
सबैभन्दा धेरै गोल गर्ने खेलाडी हुन् र तीनवटा विश्वकपको उपाधि जित्ने एकमात्र
खेलाडी हुन्।
पेलेको जन्म अक्टोबर २३, १९४० मा ब्राजिल को ट्रेस कोराक्वईश मा भएको
थियो। उनको पुरा नाम एड्सन अरान्ते दो नासिमेन्ते थियो । उनले १५ वर्षको उमेरमा व्यावसायिक फुटबल खेल्न थाले र आफूलाई तिब्र गति र
कौशल का साथ गोल गर्ने क्षमताको लागि परिचित बनाए । उनले आफ्नो करियरको अधिकांश समय
ब्राजिलमा सान्तोस एफसीका लागि खेले र टोलीलाई ब्राजिलियन लिग र अन्तर्राष्ट्रिय
प्रतियोगिताहरूमा धेरै जित दिलाउन मद्दत गरे। पेले सन १९५८, १९६२ र १९७० मा विश्व
कप जित्ने ब्राजिलको राष्ट्रिय टोलीका सदस्य थिए । उनी इतिहासमा तीन पटक विश्वकप
जित्ने एकमात्र खेलाडी हुन्। पेलेले ब्राजिललाई सन १९५९ र १९६२ मा कोपा अमेरिका
जिताउन पनि मद्दत गरे । उनले ब्राजिलको राष्ट्रिय टोलीका लागि ९२ खेलहरूमा ७७ गोल
गरे । यसै गरी उनले १३६३ खेलहरुमा १२७९ गोल गर्दै सर्वाधिक गोलकर्ता का रूपमा गिनिज
बुक मा नाम लेखाउन सफल रहे । विश्वकपका प्रत्येक संस्करणमा खेल्न सक्षम हुँदै
आइरहेको एक मात्र देश ब्राजिलले पेलेको उदय हुनुअघिसम्म एकपटक पनि उपाधि जित्न
सकेको थिएन ।
फुटवल मैदानमा आफ्नो सफलताको अतिरिक्त, पेले आफ्नो मानवीय कार्य र
विश्वभर फुटबल प्रवर्द्धन गर्ने प्रयासका लागि पनि परिचित थिए । उनलाई सन १९९४ मा
युनेस्कोको सद्भावना दूत नियुक्त गरिएको थियो र सन् २००० मा अन्तर्राष्ट्रिय
ओलम्पिक समितिको अध्यक्षको विशेष सल्लाहकार का रुपमा पनि नियुक्त गरिएको थियो ।
पेलेलाई सन १९९८ मा "अन्तर्राष्ट्रिय फुटबल हल अफ फेम" मा पनि समावेश गरिएको थियो ।
सन १९९९ मा विख्यात पत्रिका "टाइम्स" ले विशौं शताव्दीका १०० जना मध्य एक मा समावेश
गरेको थियो । उनले आफ्नो देश ब्राजिलमा लाखौँको संख्यामा रहेका सडक बालबालिकाका
लागि आत्मनिर्भरता-उन्मुख कल्याणकारी कार्यक्रम पनि सञ्चालन गररिहेका थिए । पेले ले
आफ्नो जीवन कालमा एक दर्जन जति चलचित्र हरुमा समेत अभिनय गरेका थिए ।
फुटवल का
बादशाह, महान फुटवल खेलाडी पेले प्रति हार्दिक श्रद्धासुमन !!
No comments: